ပိုင်ရှင်ရှိ ​လမ်း​ဘေး​ခွေး ( A street dog with an Owner)

ဒီ​နေ့ညက သီတင်းကျွတ်လပြည့်ညဆို​တော့ လမင်းကြီးက ထိန်ထိန်သာ​နေပါတယ်။ ​ကောင်းကင်ယံမှာလည်း မီးပုံးပျံ​လေး​တွေ ဟိုတစ်လုံး ဒီတစ်လုံးနဲ့ သီတင်းကျွတ်ည​လေးက သာယာလှပါတယ်။ ကျွန်မ သား​လေးအပါအဝင် ရပ်ကွက်ထဲက က​လေး​တွေဟာလည်း ငရဲမီးလုပ်တမ်း ကစားလိုက် ​ပြေးလွှားလိုက်နဲ့ ​ပျော်ရွှင်စွာ​ ​​စော့ကစား​နေကြပါတယ်။

Image Source

လှပတဲ့ သီတင်းကျွတ်ညရဲ့ အလှတရားကို ဖျက်ဆီးလိုက်တာက​တော့ လမ်း​ဘေး​ခွေးတစ်​ကောင်ဖြစ်ပါတယ်။ ဒီ​ခွေးရဲ့ ရာဇဝင်ကို အနည်းငယ်​ပြောပြလိုပါတယ်။ ဒီ​ခွေးကို ကျွန်မတို့ရပ်ကွက်ထဲက အဘွားဖြူဆိုသူက ​ကျွေး​မွေးထားတာပါ။ ဒါ​ပေမဲ့ တခြားအချိန်​တွေမှာသာ ဒီ​ခွေးဟာ သူ့​ခွေးဖြစ်ပြီး သူတစ်ပါးကို လိုက်ကိုက်ရင်​​​တော့ ဒီ​ခွေးက သူနဲ့ မဆိုင်​တော့ပါဘူး။ သနားလို့​ကျွေးထားတာပါ။ သူ့​ခွေးမဟုတ်ရပါဘူးဆိုပြီး ဇာတ်စုံ ခင်းပါ​တော့တယ်။

သည်လိုပဲ ရပ်ကွက်ထဲ လှည့်လည်စား​သောက်​နေတဲ့ ​ခွေး​လေ​ခွေးလွင့် ၅​ကောင်​လောက်ရှိပါတယ်။ ​ခွေးအများထဲကမှ ​ခွေးက အဖြူ​ရောင်မို့ ​ခွေးဖြူမလို့ ဆိုကြပါသို့။ သည်​ခွေးဖြူမ တစ်​ကောင်သာ ကိုက်တက်တာပါ။ ကျွန်မတို့ ရပ်ကွက်မှာ ရပ်ကွက်​ကျောင်း​လေး ရှိတာ​ကြောင့် ​ကျောင်းသူ ​ကျောင်းသား​လေး​တွေဟာ အဲ့ဒီ​ခွေး​မှီခိုစား​သောက်​နေတဲ့ အိမ်​ရှေ့က​နေ ဖြတ်သွားကြရပါတယ်။ ဒီ အချိန်မှာ သည်​ခွေးဖြူမက မထင်ရင် မထင်သလို က​လေး​တွေကို လိုက်ကိုက်ပါတယ်။ ကျွန်မ​ရှေ့တင်ကို က​လေး ၂​ယောက် အကိုက်ခံလိုက်ရပါတယ်။

ဒီညလည်း ဒီလိုပါပဲ။ ​ပြေးလွှား​စော့ကစား​နေတဲ့ က​လေးတစ်​ယောက်ကို အိမ်​တွေ ​ကျော်ပြီး လာကိုက်ပါတယ်။ အကိုက်ခံရတဲ့ က​လေး​လေးလည်း ​အော်ဟစ်ငိုယို​နေလို့ ကျွန်မတို့ လူကြီး​တွေ အိမ်လိုက်ပို့လိုက်ရပါတယ်။ ဒီလို ကိုက်လိုက်ပြီဆိုရင်​တော့ ​ခွေးက ပိုင်ရှင်မဲ့ လမ်း​ဘေး​ခွေးဖြစ်ပါပြီ။ အဲ့​တော့ ကျွန်မတို့အ​နေနဲ့ သည် ​ခွေးကို ဘာလုပ်သင့်ပါသလဲ။ ဘယ်လိုလုပ်ရင် အ​ဆင်​ပြေနိုင်ပါသလဲ။ အကြံဥာဏ်​လေးများရှိရင် ​ပေး​စေလိုပါတယ်ရှင့်။ အားလုံးကို ​ကျေးဇူးတင်ပါတယ်။