မိုးသည်းည ပြဇာတ် - ၂

အခန်း (၂)

သူသည် မျက်နှာပြင်​ပေါ်မှ မိုး​ရေစက်များကို လက်ဖြင့် ခပ်ကြမ်းကြမ်း သပ်ချလိုက်သည်။ ပြီး​တော့ မိုးကာ ​ခေါင်းစွပ်ကို ​ရှေ့သို့ ခပ်ငိုက်ငိုက်ဖြစ်​အောင် ထပ်မံဆွဲချလိုက်သည်။ ​​​​မှောင်မဲ​နေသည့် သည်လမ်းတွင် တစ်ခါတစ်ရံ လျှပ်​ရောင်​ကြောင့် လမ်းကျဥ်း​ထဲတွင် မှန်းဆ​လျှောက်​နေရသည်။ ဘယ်အရပ်သို့ ​ရောက်​နေသည် သူ မသိ။ ဘယ်ဆီသို့ သွားရမည် သူမသိ။ သူ အလိုရှိရာ ခရီးသည် ဘယ်ဆီ မသိ။ သူ သိသည်က သည်လိုမိုး​နှင့် သူ ခရီးဆက်ရန် မဖြစ်။ ထို့​ကြောင့် ​ကောင်းမွန်စွာ အနားယူနိုင်မည့် ခိုလှုံစရာ ​နေရာ တစ်ခုကို သူရှာ​ဖွေ​ရမည်။

image source

ထိုသူသည် ရွာဟု ထင်ရသည့် မီး​ရောင်ခပ်ပျပျနှင့် နီးရာ ခရီးသွားလမ်းမကြီး၏ တစ်​နေရာတွင် Express ​ပေါ်မှ ဆင်းခဲ့သည်။ ပြီး​တော့ ထိုလမ်း​လေးအတိုင်း စမ်းတဝါးဝါး ​လျှောက်လှမ်းလာခဲ့သည်။ လမ်းကျဥ်း​လေးထဲသို့ သူ ​လျှောက်လာသည်မှာ မိနစ် ၂၀ ခန့်​တော့ ရှိ​ပေမည်။ ယခု အထိ နား​နေစရာ အိမ်တစ်လုံး တဲတစ်ခုပင် သူမ​တွေ့​သေး။ လူ​ ​နေအိမ် မရှိလျှင်​တော့ သစ်ပင်ကြီးကြီး​အောက်တွင် ခဏ မိုးခိုရန် သူ​တွေးလိုက်သည်။

သူ့ တစ်ကိုယ်လုံးလည်း မိုး​ရေများစိုရွှဲကာ ခိုက်ခိုက်တုန်​နေ​ပေပြီ။ ပြီး​တော့ သူ့တွင် လဲစရာ အဝတ်အစား မရှိ။ အိတ်တစ်လုံး စားစရာ တစ်ခုပင်မပါ။ ​​ဆာ​လောင်မှုနှင့် ​​အေးစိမ့်မှုကို တစ်ခါတည်း ခံစား​နေ​​သော သူသည် အ​မှောင်ထုထဲသို့ တိုးဝင်​နေမိသည်။ တစ်ခါတစ်​လေ​တော့လည်း ရှင်သန်ရသည်ကို သူငြီး​ငွေ့လာသည်။ ခက်ခဲ ကြမ်းတမ်း​သော သူ့ဘဝတွင်လည်း တမ်းတ မက်​မောစရာ ဘာမှမရှိ။ ထိုသူသည် ​မျှော်လင့်ချက်မဲ့စွာ အ​မှောင်ထဲထဲ တိုးဝင်ရင်း မီး​ရောင် ပျပျ​လေးကိုမလှမ်းမကမ်းတွင် လှမ်းမြင်လိုက်ရ​လေသည်။

ဆက်ရန်

အပိုင်း (၁)
https://ecency.com/hive-122133/@suhlaing/mothiny-pyzundefined-1