မေတ္တာအရိပ်နှင့် မေတ္တာကွန်ရက်
ကိုဗစ်နှင့် မြန်မာဟု ပိုစ့်ကိုအမည်ပေးရမလား။
ယခုတလော ကျွန်တော်တို့မြန်မာနိုင်ငံမှာ
ကိုဗစ်ရောဂါပိုးတွေ့ရှိသူဦးရေက များပြားလာ၍ဖြစ်သည်။ တနေ့က စံချိန်တင်ကာ
ကိုဗစ်ပိုးတွေ့သူ 95ဦးတွေ့ရှိခဲ့သည်။
ဒီတော့ မြန်မာပြည်သူတို့ လှုပ်လှုပ်ရှားရှား
ဖြစ်လာခဲ့သည်။
ည (8)နာရီ မနက် (8)နာရီ MOH မှ
ကိုဗစ်သတင်းထုတ်ပြန်သည့်အခါ ကိုယ့်မြို့က
လူပါသလားလို့ ရင်ခုန်စွာကြည့်ရှုကြသည်။
ကိုယ့်မြို့က လူများပါမလာရင် အားကြီး
စိတ်သက်သာကြသည်။ ကိုဗစ်ပိုးတွေ့သူ
နည်းသည့်အခါ တော်သေးဟုပြောပြီး။
ပိုးတွေ့သူများပါက အံမလေးဟု တ ကာ
ရင်ဘတ်ဖိကြသည်။
ကျွန်တော်တို့ မြန်မာလူမျိုးက ကိုဗစ်နှင့်
ပတ်သက်လျှင်ကောက်ရိုးမီးပမာဖြစ်ပြီး
ဖွဲမီးလိုလောင်သော ကိုဗစ်ကြောင့်
ခက်တော့ ခက်ရပြီ။ ယခုလို ပိုတွေ့လူနာ
များလာသည့်အခါ မနေတတ် မထိုင်တတ်
ဖြစ်ကုန်ကြသည်။ စိုးရိမ်လာကြပြန်သည်။
မနေတတ် မထိုင်တတ်နှင့် စိုးရိမ်သည်
ဆိုပါသော်လည်း ဈေးများတွင် လူတို့
စည်ကားဆဲ၊ စားသောက်ကုန်ရောင်းသူတို့မှ
လက်ဖြင့်ငွေကိုင်ပြီး ထိုလက်ဖြင့် မုန့်များကို
ကိုင်ရောင်းမြဲဖြစ်ကြသည်။ အလုံအရင်းနှင့်
ဖြစ်လာပါက မထိန်းနိုင် မသိမ်းနိုင်ဖြစ်မှာ
စိုးရိမ်ရသည်။
ထို့ကြောင့် ကျွန်တော်တို့သည် မြတ်ဗုဒ္ဓ၏
မေတ္တာအရိပ်အောက်တွင်နေသော မြန်မာနိုင်ငံသား
များနှင့် မြတ်ဗုဒ္ဓ၏ မေတ္တာကွန်ရက်အောက်တွင်
ရှိသော ကမ္ဘာသူကမ္ဘာသားအပေါင်းတို့သည်
ရောဂါဘေးဆိုးကြီးမှ လျှင်မြန်စွာလွတ်မြောက်
နိုင်ကြပါစေ။
သဗ္ဗေသတ္တာ ကမ္မသကာ ပေါ့ဗျာ
ဟုတ်ကဲ့ပါ ဆရာမင်းသိင်္ခရေ
သတ္တဝါတစ်ခု ကံတစ်ခု
ဖြစ်သမျှအကြောင်း အကောင်းပဲဗျ
မေတ္တာပို့ကြပါ
ဖြစ်သမျှအကြောင်း အကောင်းသာမှတ်ရမှာပ