Today My Crafts Paper Pen Box
ဒီနေ့တော့ခဲတံ၊ဘောလ်ပင်၊စတာတွေထည့်လို့ရတဲ့pen boxတစ်ခုပြုလုပ်ထားပြီး၊ပြုလုပ်နည်းကိုပုံနဲ့စာတို့ဖြင့်အဆင့်ဆင့်ဖော်ပြထားပါတယ်။ဒီဘောက်စ်ကနှစ်မျိုးအသုံးပြုလို့ရပါတယ်။ဘောလ်ပင်တွေထည့်ပြီး၊အဖုံးဖုံးပြီးအဖွင့်အပိတ်ပြုလုပ်၍အသုံးပြုနိုင်သလို၊ဒီအတိုင်းထားလို့ရတဲ့ဘောက်စ်နှစ်ခုအသုံးပြုလို့ရတဲ့ပုံစံမျိုးပြုလုပ်ထားပါတယ်။ကတ်ထူဘူးခွံ၊ရောင်စုံစက္ကူ၊ခဲတံ၊ပေတံ၊ကော်စသဖြင့်အသုံးပြု၍ပြုလုပ်ထားတာပါ။ပထမအဆင့်မှာကတ်ထူဘူးခွံတစ်ခုကိုယူပြီး၊ပုံပြထားတဲ့အတိုင်းအကြီးတစ်ခု၊အငယ်တစ်ခုဖြတ်လိုက်ပါတယ်။ပြီးနောက်အစိမ်းရောင်စာရွက်ဖြင့်ကော်ကပ်ပြီး၊အနားတွေကိုပန်းရောင်စာရွက်အပိုင်းများဖြင့်အနားကွပ်လိုက်ပါတယ်။ပြီးနောက်ထိုဘောက်စ်ရဲ့အလျားအတိုင်းအခြားကတ်ထူတစ်ခုပြုလုပ်ပါတယ်။ထိုကတ်ထူကိုအလယ်မှတစ်ဝက်တိတိဖြတ်၍ခေါက်ချိုးလို့ရအောင်ပြုလုပ်ပါတယ်။အပြာရောင်စက္ကူဖြင့်ကော်ကပ်လိုက်ပြီး၊ဘောက်စ်ရဲ့ကျောဘက်မှာကော်ကပ်လိုက်ပါတယ်။
ဒီအဆင့်မှာဘောက်စ်ရဲ့အဖွင့်အပိတ်လုပ်တဲ့နေရာမှာကတ်ထူနဲ့အနီရောင်စက္ကူဖြင့်အသည်းပုံစံလေးနှစ်ခုညှပ်ပြီး၊ကော်ကပ်လိုက်ပါတယ်။ပန်းပွင့်များပြုလုပ်၍အလှမဆင်တော့ပဲ၊ဘောက်စ်မှာပန်းပွင့်ပုံလေးတွေဆွဲပြီး၊အလှဆင်လိုက်ပါတယ်။
Written by @asterkame
By my photos & made by me
အလှအပအသုံးအဆောင်လေးတွေ လုပ်ပြီး ရောင်းဘူးလား
ရောင်းဖို့အစီအစဉ်ရှိပါတယ်😊
အရမ်းလှတယ်