Rendenvouz STM Bireuen 91
Assalammualaikum pujo keu Tuhan
Yang peujeut alam dan makhluk dumna
Saleum ulon bi keu mandum rakan
Inong ngon agam tuha ngon muda
Keu mandum alumni saleum lon antar
Geulanto badan tanyoe bersua
Dalam grup WA tanyoe bi kabaran
Beu sihat badan geutanyoe dumna
Alumni STM hana bandingan
Sikureung sa tamatan cit hana dua
Jai ureung hebat kumpol di sinan
Macam pekerjaan ban sigom donya
Na Bang Zulfikar ureung teladan
Gobnyan karyawan nibak PTA
Ureung brewok kulet geuh itam
Rupa sep tampan lage India
Ngon Cut Bang Tarmizi beda jurusan
Dari MO gobnyan geu teuka
Ureung jih panyang rumeh senyuman
Karab hi Ryan tokoh idola
Puna neu turi wahe e rakan
Tokoh Ryan nyan ceudah lagoina
Karakter Lupus geu mat peranan
Wate masa nyan dithe le donya
Na syedara lon bernama Usman
But di gobnyan sound system saja
Testpen lam kantong hantom ketinggalan
Nyan keahlian sejak remaja
Meunyoe Bang Anto panyang catatan
Aktif di gobnyan nibak Pramuka
Jinoe geu meukat bermacam barang
Gampong Geulanggang gobnyan sep jaya
Abang Azwani hana bandengan
Wajah rupawan lage Casanova
Meuribè cewek keunong rayuan
Rubah dan pingsan dum aneuk dara
Meunyo Bang Fauzi kalem hana ban
Fauzi Union geurasi nama
Kulet Puteh gleh raya ngon badan
Jameun e rakan pijut lagoina
Tapi bek salah nibak panggilan
Fauzi Gunawan nyan laen rupa
Fauziah Hanum nan lengkap gobnyan
Jinoe jabatan bak TK Bhayangkara
Cut Kak Salma manis lage timphan
Badan meugiwang mirip biola
Jameun konflik aktivis perempuan
Alamat sekarang di Samalanga
Sidroe rakan lon bernama Bakhtiar
Alamat Geulanggang jameun èk Vespa
Pernah sajan lon dalam lapangan
Kamoe sipak bhan lawan SMA
Erick Julana cit raya panyang
Ureung sep tungang aneuk Pak Alda
Ngon Edo Junaidi gobnyan sobatan
Kompak awak nyan sampo oh tuha
Sabe jep kupi ngon Saipol Itam
Mantan jutawan dari Pulo Ara
Bak meuen volley tosser hana lawan
Bak sipak bhan pih hana dua
Bacut lon peugah ke sidroe rakan
Nama panggilan Cut Bang Chandra
Na kumis tipis wate masa nyan
Wajah rupawan gagah lagoina
Adak jai cewek galak keu gobnyan
Bang Chandra bertahan keu sidroe dara
Tapi jodoh peuteumun Tuhan
Gagal u pelaminan ureung nyan dua
Beda ngon nasib Kakanda Julham
Cakap that gobnyan mita Mak muda
Raseuki Allah bri dua böh Kodam
Peukara tampan hana lon calitra
Nyan padum boh kisah wahe e rakan
Kisah kenangan tanyoe oh muda
Lon lake meuah bak handai tolan
Rame that rakan lon seubot hana
Ta meulake nibak Po Tuhan
Beu sihat badan Alumni dumna
Beu panyang umu saleng kunjongan
Ingat hai rakan tanyoe meusyedara
