မျှားခေါ်ခြင်း

ငွေမျှောရင် ငွေနဲ့လိုက်
လှေမျှောရင် လှေနဲ့လိုက်။

အဲ့စကားလုံးကို ငယ်စဉ်က
ခဏခဏ ကြားဖူးသည်။
ကြားရသည့် နေရာက
လောင်းကစားပြုလုပ်သည့်နေရာများတွင်
အများဆုံးကြားရသည်။ အများအားဖြင့်
ဖဲဝိုင်းတွင် ပိုကြားရသည်။

ဒီးစကားက ဘာအဓိပ္ပါယ်လဲဆိုတာ
သေချတော့မသိဘူး။ ကျွန်တော်ကတော့
လောင်းကစားဝိုင်းနဲ့ ပတ်သက်၍
ဒီစကားအဓိပ္ပါယ်က မြှောက်ပေးသည်ဟု
အဓိပ္ပါယ်ယူမိသည်။

ငယ်စဉ်ကလေးဘဝ လောင်းကစားဝိုင်းနား
ဘေးမှထိုင်၍ ကြည့်ရှုခြင်း၊ ဘေးပေါက်ထိုးရင်း
ကြားခဲ့ရသည်။ မျက်နှာ အဆီပြန်များဖြင့်
လောဘမျက်နှာများမှ လောဘစကား
များဖြင့် နိုင်ရင်ပြုံးပြုံး၊ ရှုံးရင် သုန်သုန်
မှုန်မှုန် မျက်နှာများကိုတွေ့ရသည်။
ပါးစပ်များ လှုပ်ကာပြောဆိုသည်တွင်

"ငွေမျှောရင် ငွေနဲ့လိုက်
လှေမျှောရင် လှေနဲ့လိုက် ပါဟ"တဲ့။

ယခု ကျွန်တော့်အိမ်ရှေ့က ဓာတ်တိုင်ကတော့
"လျှပ်စစ်မျှောဖို့ လျှပ်စစ်လိုက်စို့"
ဖြစ်နေသည်။ လျှပ်စစ်ကို မျှားခေါ်ရသည်။
ဝန်ထမ်းတိုက်ခန်းမှာ နေစဉ် ညအိပ်ချိန်
တအိမ်လုံး မီးမှောင်ချအိပ်ကြသည်။
မီးမှောင်မှ အိပ်တတ်ကြသည်။
လျှပ်စစ်မီးချွေတာရာရောက်သည်။
နေ့ခင်းတွင် ထမင်းအိုးတည်၊ အိုက်ပူမှ
ပန်ကာဖွင့်၊ မီးကြွေအိုးထိုးဒီလောက်သာ
အသုံးပြုသည် ကျန်အချိန်မီးမသုံး
အကုန်ပိတ်ထားသည်။

ယခု အဖေ့ခြံ၌ ထိုသို့ပြုလုပ်၍မရ။
ညအချိန် မီးချောင်း (သို့) မီးလုံးတစ်ခု
ဖွင့်ထားရသည်။ နို့မို့ လျှပ်စစ်က မီးကြိုး
တစ်လျှောက်စီးမလာပေ။ နေ့ခင်း မီးအသုံး
မပြုပါကလည်း မီးကတော်တော်နှင့် ဖွင့်မရ။
အိမ်ရှိ မီးချောင်းနှင့် မီးလုံးများဖွင့်ကာ
မိန်းကို တင်လိုက် ချလိုက် သုံးလေးကြိမ်
ပြုလုပ်ပေးမှသာ လျှပ်စစ်မီးက
လာပေသည်။
အင်း ခုမှ လျှပ်စစ်မျှော လျှပ်စစ်နဲ့
လိုက်နေရတဲ့ဘဝ။

@htwegyi
31-7-21