Paper Craft Pencil Box Idea

almost 4 years ago

ဒီတစ်ခုကတော့ခဲတံ၊ဘောလ်ပင်လေးတွေထည့်လို့ရပြီး၊အဖုံးပါတဲ့ဘောက်စ်တစ်ခုပါ။ဘောက်စ်မှာလည်းအကန့်နှစ်ကန့်ခွဲထားတဲ့ပုံပြုလုပ်ထားပြီး၊ကတ်ထူဘူးခွံ၊ရောင်စုံစက္ကူ၊ခဲတံ၊ပေတံ၊ကော်ရှိရင်ပြုလုပ်လို့ရပါပြီ။ပထမအဆင့်မှာအရွယ်တူကတ်ထူဘူးခွံနှစ်ခုယူမယ်။ဒီမှာတော့သွားတိုက်ဆေးဘူးခွံနှစ်ခုဖြင့်ပြုလုပ်ထားပါတယ်။ဘူးခွံကိုဖြတ်၍နှစ်ခုကိုဆက်၍ကော်ကပ်ပြီး၊လိမ္မော်ရောင်စာရွက်ကော်ကပ်ထားပါတယ်။နောက်တစ်ဆင့်မှာထိုဘူးခွံရဲ့အလျားအနံအတိုင်းကတ်ထူတစ်ရွက်ပေါ်တိုင်း၍မှတ်သားပြီး၊ခေါက်ချိုး၍အနားနှစ်ဘက်ကိုဆက်၍ကော်ကပ်ပြီး၊အဖုံးပြုလုပ်လိုက်ပါတယ်။အဖုံးကိုတော့အနီရောင်စာရွက်ဖြင့်ကော်ကပ်ပါတယ်။

ဆက်လက်ပြီးဘောက်စ်ရဲ့အဖုံးမှာအလှဆင်ရန်ဘိုးတစ်ပွင့်နှင့်သစ်ရွက်ပုံလေးနှစ်ရွက်ဖြတ်ပါတယ်။ဘိုးပွင့်မှာတော့အနီ၊ပန်းရောင်၊အဝါရောင်စာရွက်ကိုပုံအတိုင်းဖြတ်၍၊အဝါရောင်စာရွက်ကိုအလယ်သို့တစ်ဘက်စီမှခေါက်ချိုးပြီး၊အနီနှင့်ပန်းရောင်စာရွက်ကိုအပိုင်းငယ်များဖြတ်၍အနားနှစ်ခုဆက်ကော်ကပ်လိုက်ပါတယ်။ထိုစက္ကူခေါက်
သုံးခုကိုကော်ကပ်ပြီး၊အလယ်မှအခြားစက္ကူအပိုင်းဖြင့်ချည်လိုက်ပါတယ်။အရွယ်တူအရွက်ပုံစံလေးနှစ်ခုကိုလည်းအရောင်နှစ်မျိုးဖြင့်ပြုလုပ်ပါတယ်။အနီရောင်အဖုံးရဲ့အပေါ်မှာပုံဆွဲပြီး၊ဘိုးပွင့်နှင့်အရွက်ပုံစံနှစ်ခုကိုပုံအတိုင်းကော်ကပ်အလှဆင်ပါတယ်။