BBNAIJA OR NAIJA - [ PIDGIN ENG]
My country people I greet una o, and all the hive family, I hail una. How una dey
Na matter of our country, Naija, I carry come jam una this coolele afternoon, I believe say nah only youth na him full this space, so nah una go fit reason watin I wan yan with una.
Made with canva
As we know say our election don dey near small small, so many people don dey talk different kind things as per who them wan throway vote for, for the 2023 election and we don dey shout am since, even person wey no get ear sef don hear am say make all of us go get our PVC, especially us way be youths.
But one thing dey spoil my belle, e day vex me, e be like make I go consult the gods for our matter, Naija! we too dey dey easily distracted, we dey quick loose focus, this kind period wey be say nah opportunity to take change the narrative of this country nah him we con dey carried away with Big Brother naija.
I take God beg una, I know say we like cruise, we like entertainment, but our future dey more important o, that 72days wey you wan use dey follow BBnaija abi any other program wey no go add value, abeg use am go collect your PVC, no sidon look, carry your body go the nearest INEC office wey dey near you, at the same time dey canvas for your candidate, no wait till dyeing minute.
I no talk say make una no watch una favorite programs o, but no let am carry all your attention and time mu, fear been catch the first two days wey dem start BBNaija, we no gree hear word again, twitter sef choke, suddenly everybody attention just shift to the show, na him make me use our own native English(pidgin) take dey beg una.
Una own no go spoil o, abeg make we continue to dey educate our self, make we dey prepare our minds against the election and all the candidates dem, una see all those big big men ehn and politicians dem, dem no dey follow us watch all this shows, dem dey focused with their goals, that election dey their mind like pikin wey dey inside belle, If we youths loose guard small like this, dem go do us strong thing o.
No sidon look... go collect your PVC, no loose guard, shine ya eye well well!!!✌️