Two Hosts already Qualified

မနေ့ မနက် ၇ နာရီခွဲမှာ ကစားသွားသည့် Mexico vs South Korea ပွဲစဉ်မှာ Mexico အသင်းက South Korea အသင်းကို ၁-၀ ဖြင့် အနိုင်ရသွားခဲ့၏။ ပထမပိုင်းမှာ ဂိုးမရှိ သရေရလဒ်သာ ထွက်ပေါ်နေခဲ့ပေမဲ့ ဒုတိယပိုင်း ၅၀ မိနစ်မှာတော့ အိမ်ရှင်အသင်း ဦးဆောင်ဂိုး သွင်းယူသွားခဲ့လေ၏။ ယခု နိုင်ပွဲကြောင့် Mexico တို့ နောက်တဆင့်ကို တက်လှမ်း သွားနိုင်ခဲ့ပြီ ဖြစ်၏။

ဒီနေ့ မနက် ၁ နာရီခွဲမှာ ကစားသည့် နောက်ထပ် အိမ်ရှင်အသင်း USA အနေဖြင့်လည်း Australia ကို ၂-၀ ဖြင့် အနိုင်ရပြီး နောက်တဆင့်ကို တက်လှမ်း သွားခဲ့ပြီ ဖြစ်၏။ ပထမပိုင်း ၁၁ မိနစ်နှင့် ၄၃ မိနစ်တွေမှာတင် ဦးဆောင်ဂိုးတွေ ရရှိသွားခဲ့ခြင်း ဖြစ်၏။ ကမ္ဘာ့ဖလားမှာ အိမ်ရှင်အသင်းတွေ အခြေအနေကောင်းနေသည်ဟု ပြောလို့ရ၏။

Canada အနေဖြင့်လည်း လက်ရှိမှာ ၂ ပွဲကစားပြီး ၄ မှတ်ဖြင့် အုပ်စု ပထမ နေရာမှာ ရပ်တည်နေ၏။ အုပ်စု နောက်ဆုံးပွဲစဉ် ဖြစ်သည့် Switzerland နှင့်ပွဲမှာ သရေကျရုံဖြင့် နောက်တဆင့် တက်မည် ဖြစ်၏။ အိမ်ရှင် ၃ သင်းလုံး နောက်တဆင့် တက်နိုင်မလားကတော့ စိတ်ဝင်စားဖွယ် စောင့်ကြည့်ရပေလိမ့်မည်။

မနက် ၄ နာရီခွဲမှာ ကစားသည့် Scotland vs Morocco ပွဲစဉ်မှာတော့ Morocco က ၀-၁ ဖြင့် အနိုင်ရသွားခဲ့လေ၏။ ပထမပိုင်း ၂ မိနစ်မှာကတည်းက သွင်းယူခဲ့သည့် ၁ လုံးထဲသော ဂိုးဖြင့် Morocco တို့ အနိုင် ၃ မှတ် ရယူသွားခဲ့လေ၏။ Morocco အနေဖြင့် အဖွင့်ပွဲစဉ်မှာ Brazil ကို သရေကစားထားခဲ့၏။ အုပ်စု နောက်ဆုံး ပွဲစဉ်ကိုတော့ အင်အား အနည်းဆုံး ဖြစ်သည့် Haiti အသင်းနှင့် ကစားရမည် ဖြစ်၏။

မနက် ၉ နာရီခွဲမှာတော့ Turkiye vs Paraguay တို့ ယှဉ်ပြိုင်ကစားမည် ဖြစ်၏။ နှစ်သင်းလုံးက အဖွင့်ပွဲစဉ် ရှုံးနိမ့်ထားသူများ ဖြစ်ကြသည်မို့ ယခု ပွဲစဉ်က နှစ်သင်းလုံးအတွက် အရေးကြီးလှ၏။ ရှုံးသည့် အသင်းအနေဖြင့် ကမ္ဘာ့ဖလား ခရီးလမ်း စောလျင်စွာ အဆုံးသတ်သွားဖို့ များနေ၏။

(photos from FIFA World Cup)