How to Make Paper Bag

ဒီနေ့ paper bag တစ်ခုပြုလုပ်ထားပါတယ်။စက္ကူကိုဖြတ်၍အိတ်ပုံစံခေါက်ပြီးပြုလုပ်ထားတာပါ။ဒီတစ်ခုအတွက်အလှဆင်ရန်ပန်းပွင့်၊သစ်ရွက်များမပြုလုပ်တော့ပဲ၊အရုပ်ပုံစံလေးဖြစ်အောင်ဆေးခြယ်ပြီးအလှဆင်ထားတာပါ။ဘယ်လိုပြုလုပ်ရမလဲဆိုတာပုံများဖြင့်အဆင့်ဆင့်ဖော်ပြထားသလိုစာလည်းရေးပြထားပါတယ်။လိုအပ်တာတွေကရောင်စုံစက္ကူ၊ကတ်ကြေး၊ကော်၊ခဲတံ၊ပေတံစသဖြင့်ပါ။

ပထမအဆင့်မှာ A4size အဝါရောင်စက္ကူကိုယူပြီးအလယ်သို့အနားနှစ်ဘက်ကိုခေါက်၍ကော်ကပ်ပါတယ်။ထိုစက္ကူကိုတစ်ဝက်ခေါက်၍အလယ်မှာကော်ကပ်တယ်။အကန့်နှစ်ခုပါတဲ့စက္ကူအိတ်ပုံစံလိိုမျိုးရမှာပါ။ဒီတစ်ခုမှာတော့ဒီလိုစက္ကူအိတ်မျိုးတစ်ခုတည်းဖြင့်ပြုလုပ်ပြထားတာပါ။အကယ်၍ရောင်စုံစက္ကူတွေကိုထိုအတိုင်းခေါက်၍၊တစ်ခုနဲ့တစ်ခုကော်ကပ်ပြီးအကန့်အများကြီးပါတဲ့ အိတ်လိုမျိုးလည်းပြုလုပ်နိုင်ပါတယ်။နောက်တစ်ဆင့်မှာပန်းရောင်စက္ကူကိုအဝါရောင်အိတ်ရဲ့အလျားအတိုင်းဖြတ်၍ထောင့်စွန်းနှစ်ဘက်ကိုလည်းပုံအတိုင်းဖြတ်ပါတယ်။ထိုစက္ကူနှစ်ခုကိုကော်ကပ်၍အိတ်ပုံစံပြုလုပ်တယ်။

ဒီအဆင့်မှာ အိတ်ကိုအဖွင့်အပိတ်ပြုလုပ်နိုင်အောင်အနီရောင်စက္ကူအပိုင်းတစ်ခုဖြတ်၍ခေါက်တယ်။ထိုစက္ကူအပိုင်းကိုအိတ်ရဲ့ဘေးနှစ်ဘက်မှာကော်ကပ်ပါတယ်။ပြီးနောက်အရုပ်ပုံစံလေးပြုလုပ်ချင်တာကြောင့်ပုံအတိုင်းလိုအပ်တာတွေကိုဆွဲ၍ဆေးခြယ်လိုက်ပါတယ်။ပြီးနောက်အိတ်မှာအလှဆင်ပါတယ်။ပုံလှလှလေးတွေလည်းရိုက်လိုက်ပါတယ်။

September 3,2022
Written by @asterkame
By my photos & made by me